“CONECTADOS”

Aurreko saio batean Jordi Evoleren “Salvados” programaren saio bat ikusi genuen “Conectados”, bertan teknologiari buruz hitz egiten dute, hain zuzen, ondo edo gaizki erabiltzen dugun. Saio honetan denbora asko ematen du elkarrizketatzen gai espezializatuta dagoen psikologo batekin eta zentratzen dira mugikorren erabilpenean.

Nola aldatu da bizitza mugikorrei esker? Gauza bakunetan ikusi dezakegu hori, lehen, esnatzeko iratzargailua erabiltzen genuen orain, berriz, mugikorraren alarma jartzen dugu, ordua jakiteko lehen erlojua eramaten genuen orain, aldiz, mugikorra erabiltzen dugu. Sozializatzeko momentuan ere aldatu da bizitza, sare sozialak erabiltzen baditugu edonorekin komunikatu ahal gara, berdin da munduko beste puntan egon eta honi esker aurrez aurre norbait ezagutzea galdu egin da.

Saio honetan garrantzi handia eman diote sakelako mugikorrei eta gazteek nola erabiltzen dute. Hasieran neska bat ateratzen da bere bizitzaz hitz egiten, esnatzen denetik lotara joan arte mugikorrarekin dago, berdin zaio non egon. Neska honek azaldu duena gazte gehienak egiten dute eta penagarria da ikustea hori kaleetan, lehen orduak ematen genituen kalean jolasten, gaur egun geratzen badute banku batean esertzeko da bakoitzak bere mugikorrarekin jolasten edo sare sozialak erabiltzen, haien artean komunikatu gabe.

Gazteak dakite non sartzen ari diren? Normalean jakingo dute non sartu diren edo norekin ari diren hitz egiten baina batzuetan pantailaren beste aldean edonork egon ahal da eta hori jakin behar dute. Sare sozialetan edonork sortu ahal du perfil faltsu bat, laguna izateko eskaera bidali, onartu eta zutaz dena jakin dezake arazorik gabe, hau gertatzen da gazte askok gero eta jarraitzaile gehiago izan nahi dituztelako, beraz, teknologiak eta sare sozialak ondo erabiltzen erakutsi behar diegu.

Hau guztia gertatzen da gure erruagatik, ume bati oso txikia denetik mugikorra uste badiogu bat eduki nahiko du berarentzat, gaur egun gero eta azkarrago oparitzen diete mugikorrak umeei eta hori oso kaltegarria da, hamar urterekin mugikorra izaten dute, sare sozialekin hasten dira eta ez dira konturatzen interneten dauden arriskuak. Egin behar duguna da, gurasoak ez diete mugikorrak utzi behar eta beharrezkoa ez izan arte ez oparitu bat.

Bukatzeko, denok adizioa dugu mugikorrei, gure bizitza aldatu baitute era batean edo bestean, gure esku dago hori aldatzea eta garrantzi gehien ematen diot aurrez aurreko elkarrizketak berreskuratzeari.